Usulid-dində imamət

Bismilləhir-Rahmənir-Rahim

Üsuli Kafi, İmamət mövzusunda olan rəvayətlərdən seçmələr

Həzrət imam Kazim əleyhissəlam buyurur:

"- ...عَنِ الْعَبْدِ الصّالِحِ (عليه السلام) قَالَ إِنّ الْحُجّةَ لَا تَقُومُ لِلّهِ عَلَى خَلْقِهِ إِلّا بِإِمَامٍ حَتّى يُعْرَفَ"

“Xalqın tanıdığı imamın vücudu olmadan Allahın hüccəti öz məxluqatına qarşı bərpa olmaz”.

Mənbə: Üsuli Kafi, cild 1, səh. 250 hədis 1.

Hədisin izahı:

Qiyamət günü Allah taala bəndələrini üç səbəb baş verəcəyi surətdə mühakimə edəcəkdir:

1- Onlara imam və rəhbər göndərmiş olarsa;

2- İmam onlar üçün aşkar dəlillər ilə imamət möcüzələri ilə sübuta yetmiş olarsa;

3- İmam onlara Allah qarşısında vəzifələrini başa salmış, Allahı və dini onlara tanıtdırmış olarsa.

Üsuli Kafi kitabının bəzi nüsxələrində “- حَتَّي hətta” kəlməsinin yerinə “- حَيٍّ həyy” kəlməsi verilmişdir. Bu əsasla, hədisin mənası “Xalqın tanıdığı “diri” imamın vücudu olmadan...”  olacaqdır.