دسته بندی را انتخاب کنید

دسته بندی را انتخاب کنید

دسته بندی را انتخاب کنید

Həzrət imam Hadi əleyhissəlamın təvəllüdü

16 September 2026

06:23

۴۵۸

Xəbərin xülasəsi :
Hicri-qəməri 1445-ci il zul-hiccə ayının 15-i, miladi 2024-cw il iyunun 6-ı imamət və vilayət səmasının onuncu parlaq ulduzu həzrət imam Əli ibn Muhəmməd Hadinin (əleyhiməssəlam) təvəllüd günüdür
آخرین رویداد ها

Bismilləhir-Rahmənir-Rahim

Həzrət imam Hadi əleyhissəlamın təvəllüdü

Hicri-qəməri 1445-ci il zul-hiccə ayının 15-i, miladi 2024-cw il iyunun 22-i imamət və vilayət səmasının onuncu parlaq ulduzu həzrət imam Əli ibn Muhəmməd Hadinin (əleyhiməssəlam) təvəllüd günüdür. Bu sevimli, fərəhli və şərəfli günün münasibətilə Əhli-beyt əleyhimussəlama, xüsusən o Həzrətin əziz nəvəsi həzrət imam Sahib əz-Zamana (Allah onun zühurunu tezləşdirsin) təbrik və sevinc hisslərimizi bildirir, həmçinin bütün müsəlmanlara, məxsusən Əhli-beyti sevən və yolunun davamçılarına gözünüz aydın və mübarək olsun deyirik.

Ümid edirik Allah-təala mömin bacı-qardaşların müqəddəs Qurana, həzrət Peyğəmbərə (sallallahu əleyhi və alih) və Əhli-beytinə (əleyhimussəlam) məhəbbətli və itaətkar olmaları naminə onlara həyatda böyük nailiyyətlər və Axirətdə layiqli məqamlar nəsib etsin, inşa Allah.

Həzrətin adı Əli, əziz atasının adı Muhəmməd (imam Cavad) əleyhissəlam, hörmətli anası isə, xalq arasında Ummul-Fəzl adı ilə tanınmış Səmanə olmuşdur.

Həzrət imam Əliyyən Nəqi əleyhissəlamın kunyəsi üçüncü Əbul-Həsən, məşhur ləqəbləri isə Nəcib, Hadi, Nəqi, Alim, Əskəri, Fəqihe Əskəri və İbnur-Riza (əleyhissəlam) olmuşdur.[1]

Sevinc və fərəh gətirən bu günün münasibəti ilə həzrət imam Hadi əleyhissəlamın dürəfşan kəlamlarında birini əziz möminlərə təqdim edirik.

Həzrət imam Əli ibn Muhəmməd Hadi (əleyhiməssəlam) buyurur:

"الْغَضَبُ عَلى مَنْ لا تَمْلِكُ عَجْزٌ، وَعَلى مَنْ تَمْلِكُ لُؤْمٌ "

“Qarşıdurma və mübarizə etməyə qadir olmadığın bir kəsin müqabilində əsəbləşib qəzəblənmək, acizlik və zəiflik əlamətidir; lakin üz-üzə gəlib mübarizə etməyə qadir olduğun insanın müqbilində qəzəblənmək isə rəzilət və alçaqlıq nişanəsidir.”[2]




[1] “Mənaqibu İbn Şəhri Aşub”, 4-cü cild, səh. 432

[2] Mustədrəkul-Vəsail, cild-12, səh. 11, hədis 13376



Etiketlər :

Həzrət imam Hadi əleyhissəlamın təvəllüdü