Ramazan ayının iyirminci gününün duasının qısa izahı

Bismilləhir-Rahmənir-Rahim

Ramazan ayının iyirminci gününün duasının qısa izahı

اللَّهُمَّ افْتَحْ لِي فِيهِ أَبْوَابَ الْجِنَانِ وَ أَغْلِقْ عَنِّي فِيهِ أَبْوَابَ النِّيرَانِ وَ وَفِّقْنِي فِيهِ لِتِلاوَةِ الْقُرْآنِ يَا مُنْزِلَ السَّكِينَةِ فِي قُلُوبِ الْمُؤْمِنِينَ

“Əllahumməftəh li fihi əbva­bəl cinan və əğliq ənni fihi əb­va­bən niyran və vəf­fiqni fihi litila­və­til Qur`an, ya munziləs sə­ki­nəti fi qulubil mu`mi­nin.”

“İlahi! Bu gün mənim üçün Behişt qapılarını aç və cəhənnəm qapılarını üzümə bağla, məni Quranın tilavətinə müvəffəq et; Ey möminlərin qəlblərini aram edən!”

Duada gələn əsas kəlmə və ifadələr:

Behişt qapıları; Cəhənnəm qapıları; Quran tilavətı; Vüqar və səkinə (rahatlıq və aram).

Duanın peyğam və sifarişləri:

1-Qurani-Məcid: Allahın buyurduğu günahdan qorxan və nəfsini şeytani həvəslərdən qoruyan şəxsin yeri Behiştdir; (Naziat surəsi, ayə 40)

2-Həzrət Əmir əleyhissəlam: Behişt, İlahi qayda-qanunlara itaət edən şəxsin mükafatıdır; (Mizanul-hikmət, cild-2, səh. 98)

3-Həzrət Sadiq əleyhissəlam: “Oruc tutmaq, cəhənnəm odu müqabilində qalxan və qoruyucudur; (Biharul-ənvar, cild-96, səh. 256)

4-Quran tilavət edilən ev, mələklərin get-gəl etdiyi və İlahi bərəkətlərin nazil olan yeridir; (Əl-Kafi, cild-2, səh. 910)

5-İmanın ən böyük əsəri, rahatlığın yaranması və xatircəmlik hasil etməkdir;

6-Qurani-məcid; Agah olun ki, qəlblər Allahın zikri ilə aram və rahatlıq tapar.

İlahi! Qəlblərimizi sübhün mehribanlıq nəsimi ilə dirilt; Möminləri Quranın tilavətinə müvəffəqə et; Onların qəlblərinə vüqar və səkinə nazil buyurur, Amin! Ya Rabbil aləmin!

İltimas dua