Ramazan ayının ikinci gününün duası

Bismilləhir-Rahmənir-Rahim

Ramazan ayının ikinci gününün duası:

اللَّهُمَّ قَرِّبْنِي فِيهِ إِلَى مَرْضَاتِكَ وَ جَنِّبْنِي فِيهِ مِنْ سَخَطِكَ وَ نَقِمَاتِكَ وَ وَفِّقْنِي فِيهِ لِقِرَاءَةِ آيَاتِكَ بِرَحْمَتِكَ يَا أَرْحَمَ الرَّاحِمِينَ

“Əllahummə qərribni fi­hi ila mərzatik və cənnib­ni fihi min səxətikə və nəqimatik və vəf­fiqni fi­hi liqiraəti ayatik, bi­rəh­mətikə ya ərhəmər-ra­hi­min.”

“İlahi! Bu gün məni razı olduğun əməllərə yaxınlaşdır; Öz qəzəbindən və əzabından uzaqlaşdır; Quranın ayələrini oxumağa müvəffəq et. Ey rəhm edənlərin ən rəhmlisi!”

Ramazan ayının ikinci gününün duasında işlənən əsas kəlmələr:

Allahın razılığı, qəzəbi və əzabı;

Quranın qiraəti;

Rəhm edənlərin ən rəhmlisi.

Duanın peyğamları:

1-Allah-taalanın rəhməti geniş olduğu kimi qəzəbu də böyük və şiddətlidir;

2-Ramazan ayı Quran ayıdır, bu mübarək ayda Quranın haqqını əda etməliyik; Quranın haqqı onun qiraəti, onu düşünmək və göstərişlərinə əməl etməkdir;

3-Həzrət Rəsuləllah buyurub: İnsanın qəlbi dəmir kimi pas atır və onu təmizləmək və parlatmaq yolu Quranın tilavətidir; (İrşadul-qulub, cild-1, səh. 191)

4- “Ya Ərhəmər-Rahimin” zikri Allah-taalanın nəzərini cəlb etmək, ardınca da hacətlərin qəbul olması səbəbidir. (Mustədrəkul-Vəsail, cild-5, səh. 219)

Dualarınızda möminləri unutmayın

İltimas dua!